गीतकार ध्रुव प्रसाद अम्गाइको नयाँ गीत ‘माया तिरिरी’ सार्वजनिक भएको छ । राधा र कृष्णको प्रेमलाई कहानीमा समेट्दै यो गीत तयार पारिएको छ । यो गीतमा रचना रिमाल र प्रताप दासको स्वर, राज सागरको संगीत छ ।
यो गीतको भिडियोमा सुधिर श्रेष्ठ र समिक्षा पोखरेलले अभिनय गरेका छन् । शिशिर श्रेष्ठको निर्देशन रहेको भिडियोमा ज्ञानेन्द्र शर्माको छायांकन, सुबोल थापाको कोरियोग्राफी, अमृत चापागाँइको सम्पादन छ ।
गीतकार अम्गाँइले ‘माया हे माया, काले केटा २, तिमीलाई सन्देश, नजुरेको लगन, मन खोलेर गाउँ गीत, न भुल्न सक्ने’ लगायतका गीत सार्वजनिक गरिसकेका छन् ।
