२ माघ, काठमाडौं । पुरातात्विक महत्वको कमलपोखरी पुननिर्माणमा कंक्रिट प्रयोग गरिएको भन्दै अभिन्याताहरुले विरोध गरेका छन् ।
‘हाम्रो माटो, हाम्रो पानी, प्राणभन्दा प्यारो छ’ भन्दै उनीहरुले कमलपोखरीको माटो अनुहारमा दलेका थिए । ‘डियर मेयर, सिमेन्ट र डण्डीको कमल हामीलाई चाहिँदैन’, ‘डियर मेयर, रानीपोखरीबाट पाठ नसिकेकोमा हामी लज्जित छौं’ जस्ता नारा लेखिएको प्ले कार्ड समेत बोकेका थिए ।
प्राकृतिक सिमसार भएको कमल पोखरी पुनर्निर्माणको क्रममा कंक्रिटको प्रयोग गरिएको छ । काठमाडौं महानगरपालिकाले बनाएको गुरुयोजनाअनुसार पोखरीको मध्य भागमा कंक्रिटको फूल राखिनेछ ।
महानगरपालिकाले रानीपोखरीमा पनि कंक्रिट नै प्रयोग गरेको थियो । तर अभियन्ताहरुले विरोध गरेपछि रानीपोखरी पुनर्निर्माणको जिम्मा महानगरबाट खोसिएन मात्र, पुरानै स्वरुपमा पुनर्निर्माण गरिएको छ ।
तर महानगरले भने रानीपोखरी पुनर्निर्माणबाट पाठ सिक्न नसकेको अभियान्ताहरुले बताएका छन् ।
