४ माघ काठमाडौं । अनिल मण्डलको ८९ रन मद्दतमा त्रिभुवन आर्मीले प्रधानमनत्री कप पुरुष राष्ट्रिय क्रिकेट प्रतियोगितामा कर्णाली प्रदेशलाई १९६ रनको लक्ष्य दिएको छ ।
मुलपानी क्रिकेट मैदानमा भएको खेलमा आर्मीले टस जितेर पहिले ब्याटिङ गर्दै ४३.१ ओभर सबै विकेट गुमाएर १९५ रन बनाएको हो ।
अनिलले ११४ बल खेल्दा १४ चौका प्रहार गर्दै ५६ रन बाउण्ड्रीबाट मात्रै जोडेका थिए ।
यस्तै कप्तान विनोद भण्डारीले ४१ रन जोडे ।
बलिङमा कर्णालीका दिनेश अधिकारी, राज शाह र दिवान पुनले २-२ विकेट लिए ।
आर्मीले पहिलो खेलमा गण्डकीलाई ९८ रनले पराजित गरेको थियो ।