छोटो चलचित्र ‘एक लभर’ सार्वजनिक गरिएको छ । नेपालका युवायुवतीहरुको विदेश मोह र त्यसले प्रेम सम्बन्धमा निम्त्याएको विषयलाई उठान गरेको चलचित्रलाई सञ्चारकर्मी रामजी ज्ञवालीले निर्देशन गरेका हुन् ।
निर्देशक ज्ञवाली र आर्यन अधिकारीको लेखन रहेको चलचित्रमा दुर्गाप्रसाद ज्ञवालीको लगानी छ । ३० मिनेटको चलचित्रमा शाहिल खान, अनुपमा भण्डारीले शीर्ष भूमिका निर्वाह गरेका छन् ।
त्यस्तै सरु माझी, राज थापा क्षेत्री, सायसा बायलकोटी लगायतको अभिनय छ । निर्देशक ज्ञवालीले यसअघि ‘डार्क मुन’, ‘लकडाउन’ लगायतका छोटो चलचित्र सार्वजनिक गरिसकेका छन् ।
