२०७७ माघ १४ गते ७:१२ 
१४ माघ, काठमाडौं । एसी मिलानलाई २-१ ले पराजित गर्दै इन्टर कोपा इटालियाको सेमिफाइनलमा प्रवेश गरेको छ । वैक्लपिक खेलाडीको रुपमा मैदान प्रवेश गरेका क्रिस्टियन एरिक्सनले निर्णाय कगोल गरेपछि इन्टरले एसी मिलानमाथि पुनरागमन जित हात पारेको हो ।
एसी मिलानलाई अग्रता दिलाएका ज्लाटन इब्राहिमोभिले दोस्रो हाफमा रातो कार्ड पाएका थिए ।
खेलको ३१औं मिनेटमा इब्राहिमोभिचको गोलबाट मिलानले अग्रता लिएको थियो । ५८औं मिनेटमा इब्राहिमोभिचले रातो कार्ड पाए ।
१० खेलाडीमा झरेको एसी मिलानमाथि इन्टरले दुई गोल फर्कायो । लुकाकुले ७१औं मिनेटमा बराबरी गोल फर्काए ।
मार्सेलो ब्रोजोभिकको स्थानमा मैदान प्रवेश गरेका एरिक्सनले इन्जुरी टाइमको सातौ मिनेटमा फ्रिकिकबाट गोल गर्दै इन्टरलाई जित दिलाए ।
प्रतिक्रिया 4