२१ माघ, काठमाडौं । इंग्ल्याण्डमा हुने दी हन्ड्रेड क्रिकेट प्रतियोगितामा नेपाली लेगस्पिनर सन्दीप लामिछानेलाई ओभल इन्भिन्सिबल्सले रिटेन गरेको छ ।
कोरोना भाइरसका कारण एक वर्षपछि सरेको प्रतियोगितामा ओभलले सन्दीपलाई रिटेन गरेको हो ।
ओभलले सन्दीपसहित कुल ११ खेलाडीलाई रिटेन गरेकाे हाे । सन्दीपलाई ओभलले सन्दीपलाई एक लाख पाउण्डमा अनुबन्ध गरेको थियो ।
सन्दीपसँगै ओभलले रिटेन गर्ने अरु खेलाडीमा साम बिलिङ, एलेकस ब्लाक, साम कुरान, टोम कुरान, लउरी इभान्स, विल ज्याक, सुनील नारायन, जेसोन रोय, नाथन सोटेर र रिसी टोप्ले छन् ।
यता अष्ट्रेलियन खेलाडी स्टिभ स्मिथ र मिचेल स्टार्कलाई वेल्स फायरले रिलिज गरिएको छ । एक लाख २५ हजार पाउण्डमा अनुबन्ध भएका दुबै खेलाडीलाई वेल्स रिलिज गरेको हो ।
यो प्रतियोगिताका लागि यो महिनाको अन्तिममा ड्राफ्ट हुँदैछ । जसका लागि रिलिज र रिटेन गर्ने खेलाडीको नाम सार्वजनिक गरिएको हो ।
