२०७७ माघ २७ गते १९:४३ 
२७ माघ, काठमाडौं । अखिल नेपाल फुटबल संघ एन्फाले शहीद स्मारक बी डिभिजन लिग फुटबलको खेल तालिका सार्वजनिक गरेको छ ।
गत वर्ष भएको लिगको बाँकी खेलको खेलतालिका एन्फाले मंगलबार सार्वजनिक गरेको हो ।
कोरोना भाइरस (कोभिड १९)को महामारीका कारण गत वर्ष लिग बीचमै स्थगित भएको थियो । लिगका बाँकी खेलहरु आगामी फागुन ११ गतेदेखि फेरि सुरु हुँदैछ । फागुन ११ गते दुई खेल हुने एन्फाले जनाएको छ ।
सातदोबाटोस्थित एन्फा कम्प्लेक्समा हुने पहिलो खेलमा मध्यपुर युथ एसोसिएसन र नयाँ बस्ती युवा क्लबबीच प्रतिस्पर्धा हुनेछ । यस्तै दोस्रो खेल पुल्चोक स्पोर्ट्स क्लब र खुमलटार युथ क्लबबीच हुनेछ ।
प्रतिक्रिया 4