२८ माघ, काठमाडौं । मिसन डेभलपमेण्ट बैंक लिमिटेडलाई गाभेर एकिकृत कारोबार गर्ने तयारी गरिरहेको सिटिजन्स बैंकले पुनः सिर्जना फाइनान्सलाई गाभ्ने भएको छ । बैंकर फाइनान्सबीच बुधबार एक्विजिशन सम्बन्धी सम्झौता पत्रमा हस्ताक्षर भएको छ ।
सम्झौता पत्रमा बैंकको तर्फबाट संचालक तथा मर्जर तथा प्राप्ति समितिका संयोजक प्रवल जंग पाण्डे र फाइनान्सका तर्फबाट संचालक तथा मर्जर तथा प्राप्ति समितिका संयोजक सुवास आचार्यले उक्त सम्झौतापत्रमा हस्ताक्षर गरे । बिराटनगरमा प्रधान कार्यालय रहेको सिर्जना फाइनान्स नेपाल राष्ट्र बैंकबाट ‘ग’ वर्गको इजाजत प्राप्त वित्तीय संस्था हो ।
