१ फागुन, काठमाडौं । नेपाल क्रिकेट संघ (क्यान)ले दोस्रो चरणको प्रशिक्षणका लागि २० खेलाडी छनोट गरेको छ ।
पहिलो चरणमा ३२ खेलाडीको प्रारम्भीक टोली बनाए पनि २१ जनालाई प्रशिक्षणमा समावेश गरेको थियो । बाँकी ११ खेलाडीले प्रशिक्षण गरेका थिएनन् ।
पहिलो चरणको प्रशिक्षणमा समावेश ९ खेलाडीसहित अब २० जनाले दोस्रो चरणमा प्रशिक्षण लिनेछन् । पहिलो चरणबाट छानिने खेलाडीमा कमल सिंह ऐरी, आसिफ शेख, सुशन भारी, कुशल भुर्तेल, ललित राजवंशी, विक्रम सोब, सन्दिप जोरा, पृथु बास्कोटा र शहाब आलम छन् ।
यस्तै आरिफ शेखको स्थानमा बसन्त रेग्मी टिममा छन् । आरिफ प्रधानमन्त्री कप क्रिकेटमा एपीएफ विरुद्ध खेल्ने क्रममा घाइते भएका थिए ।
दोस्रो चरणको प्रशिक्षण भोलि आइतबारदेखि सुरु हुनेछ ।
