२ फागुन, काठमाडौं । नेकपा (प्रचण्ड–माधव समूह)ले प्रोगेसिभ इन्जिनियरिङ एसोसिएसन नेपाल (पिन) मा संयोजक र सहसंयोजक तोकेको छ ।
अध्यक्षद्वय प्रचण्ड र माधव नेपालले संयुक्त पत्र लेखेर नन्द बन्जाडेलाई संयोजक र छविराज पोखरेललाई सहसंयोजक तोकिएको जानकारी दिएका हुन् । बन्जाडे नेपाल निकट र पोखरेल प्रचण्ड निकट हुन् ।
पिन नेकपा निकट इन्जिनियरहरुको संगठन हो । तत्कालीन एमाले र माओवादीबीच पार्टी एकता भएपछि पिनको संयोजक केपी शर्मा ओली निकट शम्भुबहादुर श्रेष्ठ बनेका थिए । सहसंयोजक तोकिएको थिएन । महासचिवको जिम्मेवारी प्रचण्ड निकट डा. हरिराम पराजुलीले पाएका थिए ।
नेकपा विभाजन भएसँगै श्रेष्ठ ओलीतिरै लागेपछि प्रचण्ड–माधव समूहले संयोजक बन्जाडेलाई र सहसंयोजक पोखेललाई बनाएको हो । महासचिवमा पराजुली यथावत छन् ।
