अब म पनि क…लेख्छु है !

४ फागुन, काठमाडौं । आज श्री पञ्चमी । विद्याकी देवी सरस्वतीको पूजा आराधना गरी मनाइएको छ ।

काठमाडौं उपत्यकाका स्वयम्भू, मैतिदेवी, ललितपुरको लेलेलगायतका मन्दिरमा बिहानैदेखि सरस्वती पूजा गर्नेको घुइँचो छ ।

आजको दिन बालबालिकाहरुलाई अक्षाराम्भ गराउने चलन भएकोले अभिभावकहरु बालबालिकालाई लिएर मन्दिर पुगेका छन् । बालबालिकाले मन्दिरको भित्तामा लेखेर अक्षाराम्भ गरेका छन् ।

आजको दिन बालबालिका मात्र नभएर निरक्षर जुनसुकै उमेर समूहका व्यक्तिले मन्दिर पुगेर पढ्न् र लेख्न सुरु गर्ने गर्छन् । स्वयम्भूमा पनि बालबालिका मात्र नभई ज्येष्ठ नागरिक पनि अक्षाराम्भ गरिरहेका छन्।

यसदिन विद्यालय र कलेजहरुमा सरस्वतीको पूजा गर्ने प्रचलन पनि छ ।

हेरौं स्वयम्भुमा अक्षाराम्भका तस्वीर –

सबै तस्वीर : चन्द्रबहादुर आले