२०७७ चैत ३ गते १८:०९ 
३ चैत, काठमाडौं । नक्सालकी सुष्मा तामाङ आइवा युथ वर्ल्ड बक्सिङ च्याम्पियनसीपका लागि छनोट भएकी छन् । उनी ४८ केजी तौल समूहमा छनोट भएकी हुन् ।
छनोटमा उनले आफ्नी प्रतिद्वन्द्वी आरडीएस क्लबकी रमिला श्रेष्ठमाथि अंकका आधारमा ३-२ को कठिन जित हात पारिन् । त्यसै गरि ६० केजी तौल समूहमा बक्समाण्डौंकी डेचेन शेर्पा फाईनलमा प्रवेश गरेकी छन् । उनले झापाकी सुस्मिता राईलाई अंकका आधारमा ५-० को स्कोरमा हराइन् ।।
उनले बुधवार हुने फाईनल खेलमा आरडीएस क्लबकी सुमिना खड्कासँग प्रतिस्पर्धा गर्नेछिन् । खड्का ६० केजी तौल समूहमा वाई पाएर फाईनल प्रवेश गरेकी थिइन् ।
छनोट खेलमा तालिम तथा प्रशिक्षण विभागका प्रमुख अर्जुन विक,नेपाल बक्सिङ संघका अध्यक्ष राम अवाले,बरिष्ठ उपाध्यक्ष अर्जुनबहादुर केसीलगायतको उपस्थिति रहेको थियो । आइवा युथ वर्ल्ड बक्सिङ च्याम्पियनशिप पोल्याण्डमा अप्रिल ११ देखि २३ सम्म सञ्चालन हुनेछ ।
प्रतिक्रिया 4