२०७७ चैत १९ गते १०:०१ 
१९ चैत काठमाडौं । आगामी शनिबारबाट सुरु हुने बलियो नेपाल कप क्रिकेटको उद्घाटन खेलमा प्युठान ११ र दाङ ११ बीच प्रतिस्पर्धा हुने भएको छ ।
दाङको लमही क्रिकेट मैदानमा हुने प्रतियोगिताको खेल तालिका बुधबार सार्वजनिक भएको छ ।
प्रतियोगिताको पहिलो दिन दुई खेल हुनेछन् । दोस्रो खेलमा नवलपरासी ११ र पाल्पा ११ बीच प्रतिस्पर्धा हुनेछ ।
चैत २१ देखि २८ गतेसम्म हुने प्रतियोगितामा लुम्बिनी प्रदेशका १२ टिमको सहभागिता छ ।
क्विन्स इभेन्ट्स म्यानेजमेन्टको आयोजनामा हुने प्रतियोगिताको फाइनल चैत २८ गते हुनेछ ।
प्रतियोगिताका लागि लुम्बिनी प्रदेशको सबै जिल्लामा ट्यालेन्ट हन्ट कार्यक्रम सम्पन्न भइसकेको छ ।
प्रतिक्रिया 4