५ वैशाख, सुर्खेत । सुर्खेतमा थप एकजना कोरोना संक्रमित महिलाको मृत्यु भएको छ । गुर्भाकोट नगरपालिका-९ की ५८ वर्षीया एक महिलाको मृत्यु भएको हो ।
कर्णाली प्रदेश अस्पताल कोभिड उपचार केन्द्रको आइसोलेसन वार्डमा उपचारको क्रममा आइतबार दिउँसो ती महिलाको मृत्यु भएको प्रदेश अस्पतालका कोरोना फोकल पर्सन डा. केएन पौडेलले जानकारी दिए ।
डा. पौडेलका अनुसार ज्वरो, खोकी लागेपछि उनलाई वैशाख २ गते उपचारका लागि प्रदेश अस्पताल ल्याइएको थियो । अस्पतालकै प्रयोगशालामा गरिएको पीसीआर परीक्षणमा तीन गते उनमा कोरोना पोजिटिभ देखिएको थियो ।
