एमआरपीभन्दा बढी मूल्यमा रेम्डिसिभिर बिक्री गरे औषधि विभागले कारबाही गर्ने

१९ वैशाख, काठमाडौं । औषधि व्यवस्था विभागले कोरोना संक्रमितको उपचारमा प्रयोग गरिने रेम्डिसिभिर लगायतका औषधि बिक्री वितरण गर्दा अधिकतम खुद्रा मूल्य (एमआरपी) भन्दा बढी नलिन सरोकार पक्ष सबैमा आग्रह गरेको छ ।

विभागले सोमबार एक प्रेस विज्ञप्ति जारी गर्दै एमआरपी भन्दा बढीमा बिक्री वितरण गरेको पाइएमा प्रचलित कानुन अनुसार कारबाही हुने चेतावनी दिएको छ ।

कोरोना महामारी तीब्र गतिमा फैलिरहेको अवस्थामा बिरामीहरुका लागि प्रयोग हुने रेम्डिसिभिर लगायतका औषधिको कृतिम अभाव सिर्जना गरी न्यूनत्तम मानवीय समवेदनाको समेत ख्याल नगरी एमआरपी भन्दा बढी मूल्यमा बिक्री वितरण भइरहेको भन्ने गुनासो आएको भन्दै विभागले त्यसो नगर्न सबैमा सचेत गराएको हो ।

हेर्नुहोस् विज्ञप्ति :