१५ जेठ, काठमाडौं । सेयर कारोबारमा लाग्ने पुँजीगत लाभकर वृद्धि भएको छ । शनिबार आगामी आर्थिक वर्ष २०७८/७९ को बजेट प्रस्तुत गर्दै अर्थमन्त्री विष्णु पौडेलले एक वर्ष भन्दा कम समयमा किनबेच हुने सेयरमा पुँजीगत लाभकर वृद्धि गरिएको जानकारी दिए ।
अहिले सबै लगानीकर्ताहरुलाई सेयर बिक्री पछि नाफाको ५ प्रतिशत पुँजीगत लाभकर तिर्नु पर्ने व्यवस्था रहेको छ । दीर्घकालिन लगानीकर्ताहरुका लागि विद्यमान व्यवस्था यथावत राखिएको छ भने अल्पकालिन (सर्ट ट्रम) लगानीकर्ताहरुका लागि साढे दुई प्रतिशत बढाएर ७ दशमलव ५ प्रतिशत बनाइएको छ ।
अर्थात ५ प्रतिशत पुँजीगत लाभकर तिर्दै आएकोमा अब छोटो समयका लागि लगानी गर्ने सेयर लगानीकर्ताहरुले ७.५ प्रतिशत तिर्नु पर्नेछ ।
