१८ जेठ, काठमाडौं । सन् २०२२ मा कतारमा हुने विश्वकप र २०२३ मा चीनमा हुने एसिया कपको संयुक्त छनोटअन्तर्गत दोस्रो चरणको बाँकी खेल खेल्न नेपाली फुटबल टोली अहिले कुवेतमा छ ।
जहाँ समूह बी का बाँकी खेलहरु हुनेछ । कुवेतमा नेपालले पनि आफ्नो बाँकी रहेको ३ खेल खेल्नेछ ।
शनिबार भएको मैत्रीपूर्ण खेलमा नेपाल इराकसँग ६–२ ले पराजित भएको थियो । कुवेत र इराकको मौसम उस्तै भएकोले पनि नेपाललाई इराकमा खेल्दा केही फाइदा पुगेको छ ।
नेपालले अब जेठ २० गते चाइनिज ताइपेई, जेठ २४ गते जोर्डन र जेठ २८ गते अष्ट्रेलियासँग खेल्नेछ । तीनवटै टिम फिफा वरीयतामा नेपालभन्दा माथि छ । अष्ट्रेलिया फिफा वरीयतामा ४१औं स्थानमा छ भने एसियाली राष्ट्रमध्ये चौथो स्थानमा रहेको टिम हो ।
नेपालले यसअघि अवे लेगको खेल तीनवटै टिमसँग खेलिसकेको छ । खासमा यी सबै खेल नेपालले घरेलु मैदानमा खेल्नुपर्ने थियो । तर कोरोना महामारीले गर्दा त्यो अवसर गुम्यो र एएफसीले समूह बी को बाँकी खेल कुवेतमा गर्ने निर्णय गरेको हो ।
यस्तो छ तीन टिमसँग नेपालको हेड टु हेड
नेपालले यी तीन टिममध्ये जोर्डनसँग ३ खेल खेलेको छ । यस्तै चाइनिज ताइपेईसँग २ र अष्ट्रेलियासँग १ खेल खेलेको छ । जोर्डनसँग नेपालले यसअघि २०१४ को विश्वकपका लागि दुई लेगको छनोट खेलेको थियो भने एक खेल यही जारी छनोटमै थियो ।
अष्ट्रेलिया र चाइनिज ताइपेईसँग पनि नेपालले छनोटमै खेलेको हो । चाइनिज ताइपेईसँग एक खेल भने मैत्रीपूर्ण खेल थियो ।
चाइनिज ताइपेईसँग हेड टु हेड
– खेल : २
– नेपाल जित : १
– बराबरी : १
– मैत्रीपूर्ण खेल २०१९ जुन : १–१ को बराबरी
– विश्वकप छनोट २०१९ सेप्टेम्बर : नेपाल २–० ले विजयी
– गोलकर्ता, अन्जन विष्ट : २, अभिषेक रिजाल : १
जोर्डनसँग हेड टु हेड
– खेल : ३
– जोर्डन जित : २
– नेपाल जित : ०
– बराबरी : १
– विश्वकप छनोट २०११ जुलाई : नेपाल ९–० ले पराजित
– विश्वकप छनोट २०११ जुलाई : १–१ को बराबरी
– विश्वकप छनोट २०१९ अक्टोबर : नेपाल ३–० ले पराजित
– गोलकर्ता : भरत खवास
अष्ट्रेलियासँग हेड टु हेड
– खेल : १
– अष्ट्रेलिया जित : १
– नेपाल जित : ०
– विश्वकप छनोट २०१९ अक्टोबर : नेपाल ५–० ले पराजित