३१ जेठ, काठमाडौं । प्याट्रिक सिकको दुई गोल मद्दतमा चेक रिपब्लिकले युरोकप २०२० मा विजयी सुरुवात गरेको छ ।
युरोकप अन्तर्गत भर्खरै सकिएको समूह डी को खेलमा चेक रिपब्लिकले स्कटल्याण्डलाई २-० ले पराजित गरेको हो ।
स्कटल्याण्डको ग्लास्कवस्थित हाम्पडेनपार्कमा भएको खेलमा सिकले दुवै हाफमा गोल गरे । उनले ४२ औं मिनेटमा गोल गर्दै चेकलाई अग्रता दिलाएका थिए ।
दोस्रो गोल ५२ औं मिनेटमा गरे । सिकले मैदानको मध्यभाग नजिकैबाट शानदार गोल गरेका हुन् ।
घरेलु मैदानमा भएको खेलमा स्कटल्याण्डले पनि गोल गर्ने अवसर पाएको थियो तर क्रस बार र चेक गोलकिपर बाधक बने ।
जितपछि चेक रिपब्लिकले ३ अंक जोडेको छ ।
