२२ असार, काठमाडौं । प्रिमियर लिग क्लब लिड्स युनाइटेडले स्पानिस क्लब बार्सिलोनाका जुनियर फिर्पोलाई अनुबन्ध गरेको छ । लिड्सले फुलब्याक फिर्पोलाई १३ मिलियन पाउण्डमा चार वर्षका लागि अनुबन्ध गरेको हो ।
२४ वर्षीय फिर्पो सन् २०१९ मा रियल बेटिसबाट बार्सिलोना पुगेका थिए । जहाँ उनले दुई सिजन बिताउँदा ४१ खेल खेल्दै २ गोल गरेका थिए । स्पेन यू-२१ का पूर्व खेलाडी फिर्पोले बार्सिलोनामा रहँदा कोपा डेल रे जितेका थिए ।
फिर्पोले लिड्समा अनुबन्ध भएपछि आफू जुन खालको खेलाडी छ त्यो स्तर लिड्सबाट देखाउन मिल्ने बताए ।
