२८ असार, काठमाडौं । नेपाली कांग्रेसका वरिष्ठ नेता रामचन्द्र पौडेलले संविधानको रक्षाका लागि आफूहरुले चलाएको अभियान सफल भएको बताएका छन् ।
सर्वोच्च अदालतले सरकारको सिफारिशमा प्रतिनिधिसभा विघटन गर्ने राष्ट्रपतिको निर्णयलाई बदर गर्दै कांग्रेस सभापति शेरबहादुर देउवालाई २९ गते साँझ ५ बजेसम्म प्रधानमन्त्री नियुक्त गर्न परमादेश जारी भएसँगै नेता पौडेलले यस्तो टिप्पणी गरेका हुन् ।
सामाजिक सञ्जाल फेसबुकमा स्टाटस् लेख्दै नेता पौडेलले सर्वोच्चको फैसलाले संविधान र संसदलाई दुर्घटनामा लैजाने प्रयासलाई असफल बनाएको भन्दै सर्वोच्चका न्यायमूर्तिलाई धन्यवाद र पार्टी सभापति शेरबहादुर देउवालाई बधाई दिएका छन् ।
