हुनत, म्यूजिक भिडियोमा राज गरिरहेका मोडल पल शाहसँग म्यूजिक भिडियोमा पर्दा शेयर गर्ने महिला मोडलको संख्या धेरै छ । यसमध्ये कतिपयलाई मात्र दर्शकले रुचाएका छन् । कान्तिपुर टीभीमा समाचार पढ्दै गर्दा चर्चामा आएपछि श्री पाण्डे टिकटकमा पनि हिट भइन् । यसपछि, उनको ध्यान भिडियोतिर पनि जान थालेको छ ।
उनै, श्री पाण्डे र पल शाहले अभिनय गरेको नयाँ म्यूजिक भिडियो ‘फूलकुमारी’ बजारमा आएको छ । यो गीतमा डाक्टर प्रकाश पौडेलको शब्द, राजनराज सिवाकोटीको स्वर तथा संगीत छ । उत्सव दाहालको छायांकन, विकास दाहालको सम्पादन रहेको गीतलाई काठमाडौं वरिपरीका लोकेशनमा खिचिएको छ ।
यो भिडियोलाई सरिन पोखरेलले निर्देशन गरेका हुन् । भिडियोमा पल र श्री पाण्डेको रोमान्टिक अवतार देख्न सकिन्छ ।
