२०७८ साउन १० गते ११:४५ 
१० साउन, काठमाडौं । ३२औं गृष्मकालीन ओलम्पिक अर्थात टोकियो ओलम्पिक २०२० मा अमेरिकाले पहिलो स्वर्ण पदक जितेको छ ।
जापानमा भइरहेको ओलम्पिकको तेस्रो दिन आइतबार पौडी खेलाडी चेस कालिसले अमेरिकालाई पहिलो स्वर्ण दिलाएका हुन् ।
कालिसले पुरुष ४ सय मिटर व्यक्तिगत मिड्लेमा स्वर्ण जितेका हुन् । उनले ४ मिनेट ०९.४२ सेकेण्डको समयसहित स्वर्ण जिते ।
यस्तै अमेरिकाकै जे लिथरल्याण्डले ४ मिनेट १०.२८ सेकेण्ड समय निकाल्दै रजत जिते भने अष्ट्रेलियाका स्मिथ ब्रेण्डनले कास्य जिते ।
स्वर्णको खाता खोलेपछि अमेरिकाले टोकियो ओलम्पिकमा कूल ७ पदक जितिसकेको छ । १ स्वर्ण ३ रजत र ३ कास्यहसति अमेरिका तेस्रो स्थानमा छ । चीनले ३ स्वर्ण र आयोजक जापानले २ स्वर्ण जितिसकेको छ ।
प्रतिक्रिया 4