२२ साउन, काठमाडौं । बौद्ध धर्मको बहुमुल्य ग्रन्थ भन्दै ठगी गरेको अभियोगमा दुईजना पक्राउ परेका छन् । पक्राउ पर्नेमा नुवाकोटका आशिष लामा तामाङ र भोजपुरका रजिन राई छन् ।
उपत्यका अपराध अनुसन्धान कार्यालय, बानेश्वरका एसपी कृष्ण कोइरालाका अनुसार उनीहरुले उदयपुरका हेमप्रकाश मगरलाई ३ करोड ५० लाख रुपैयाँमा विक्री गर्ने प्रयास गरेका थिए । पछि मगरको साथबाट १३ लाख ७९ हजार रुपैयाँ लिएर ठगी गरेको अभियोग दुई जनामाथि छ ।
दुवै जनालाई आरुबारीबाट पक्राउ गरेर थप अनुसन्धान तथा कारबाहीका लागि प्रहरी परिसर, टेकु पठाइएको कोइरालाले बताए ।
