२४ साउन, काठमाडौं । उदयपुरको उदयपुरगढी गाउँपालिका–७ अधेरीमा रुख लडेर अटोलाई किच्दा त्यसमा सवार एक महिलाको मृत्यु भएको छ । प्रदेश २–०१–००१ ह ०५६० नम्बरको अटोमा सवार कटारी नगरपालिका–४ की ३८ वर्षीया निशा दनुवारको मृत्यु भएको प्रहरीले जनाएको छ ।
रुखले थिचेर अटो चालक र अटो नजिकै रहेका अन्य दुई जना घाइते भएका छन् । उनीहरुको कटारी अस्पतालमा उपचार भइरहेको छ ।
रुखले किच्दा अटो पूर्ण रुपमा क्षति भएको छ भने नजिकै रहेको रहेको स १० प ३२७२ नम्बरको मोटरसाइकलमा समेत क्षति पुगेको छ ।
