झापाका पत्रकार तीर्थ सिग्देलद्वारा लिखित ‘मनको कैदी’ कथासंग्रह प्रकाशित भएको छ । यो उनको पाँचौ कृति हो ।
सिग्देलका अनुसार पुस्तकमा ‘मनको परिधिभित्र रहेर’ लेखिएका १३ वटा कथा समेटिएका छन् । उनी भन्छन्, ‘मान्छेका मनमा उर्लिएका भावना र विचारहरुको मेल नै यो कथा संग्रहको सार हो ।’
उनको यसअघि प्रकाशित ‘मनोनेट कथासंग्रह’ पनि मनको सिद्धान्तमा आधारित थियो । मिडिया रिसर्च सेन्टरले प्रकाशन गरेको पुस्तकको मूल्य २५० रुपैयाँ छ ।
