२०७८ साउन ३२ गते ६:४२ 
३२ साउन, काठमाडौं । स्पानिस क्लब एट्लेटिको मड्रिडका गोलकिपर जान ओब्लाकले क्लबका लागि सर्वाधिक खेल खेल्ने गोलकिपरको कीर्तिमान बनाएका छन् ।
ला लिगाअन्तर्गत आइतबार भएको सेल्टा भिगोविरुद्धको खेल खेल्दै स्लोभेनियन ओब्लाकले कीर्तिमान बनाएका हुन् ।
२८ वर्षीय ओब्लाकले एट्लेटिकोका लागि ३०४ खेल खेलिसकेका छन् । उनले एबेल रेसिनोलाई पछि पारेका हुन् ।
स्लोभेनियाका ओब्लाक सन् २०१४ मा पोर्चुगिज क्लब बेनफिकाबाट एट्लेटिको पुगेका थिए ।
ओब्लाकले ला लिगा, युरोपा लिग, यूईएफए सुपर कप र स्पानिस सुपर कप जितेका छन् । साथै उनले उत्कृष्ट गोलकिपरले पाउने जामोरा ट्रफी ५ पटक जितेका छन् ।
गत सिजन एट्लेटिकोले लिग जित्दा उनी लिगको उत्कृष्ट खेलाडी घोषित भएका थिए ।
उनको लक्ष्य ला लिगा उपाधि रक्षा गर्द च्याम्पियन्स लिग जित्नेसमेत रहेको छ।
प्रतिक्रिया 4