२०७८ साउन ३२ गते १७:३० 
३२ साउन, काठमाडौं । नेपाली राष्ट्रिय क्रिकेट टिमले आगामी सेप्टेम्बरमा ओमानमा त्रिकोणात्मक सिरिज खेल्नुअघि पपुवा न्युगिनी (पिएनजी) दुई एकदिवसीय अन्तर्राष्ट्रिय खेल खेल्ने भएको छ ।
नेपाल, ओमान र अमेरिका सम्मिलित विश्वकप लिग टु सिरिज आगामी सेप्टेम्बरमा ओमानमा हुँदै छ ।
त्यसअघि नेपालले पिएनजीसंग खेल्न लागेको हो । नेपाल क्रिकेट संघ क्यानले नेपालले पिएनजीसंग सेप्टेम्बर ५ र ८ मा खेल्ने जनाएको छ । दोस्रो खेल डे नाइटमा हुनेछ ।
ओमानमा हुने सिरिजका लागि नेपाली टिमको बन्द प्रशिक्षण सुरु भइसकेको छ । प्रशिक्षणमा १९ खेलाडी छन् । नेपाल, ओमान र अमेरिकाबीचकाे सिरिज सेप्टेम्बर १३ मा सुरु हुने तयारी छ ।
प्रतिक्रिया 4