+
+

म्यानचेष्टर युनाइटेडमाथि योङ ब्वाइजको पुनरागमन जित

अनलाइनखबर अनलाइनखबर
२०७८ भदौ ३० गते ९:४५

काठमाडौं । यूईएफए च्याम्पियन्स लिग २०२१-२२ को सिजनको पहिलो खेलमै इंग्लिस क्लब म्यानचेष्टर युनाइटेड पराजित भएको छ ।

समूह एफ अन्तर्गत मंगलबार राति भएको खेलमा युनाइटेडलले एक गोलको अग्रता लिएर पनि जोगाउन सकेन । आरोन बिसाकाले रातो कार्ड पाएपछि दश खेलाडीमा समेटिएको युनाइटेडमाथि स्वीस क्लब योङ ब्वाइजले २-१ को पुनरागमन जित हात पारेको हो ।

१२ वर्षपछि प्रिमियर लिग फर्केका क्रिस्टियानो रोनाल्डोले १३औं मिनेटमै गोल गर्दै युनाइटेडलाई अग्रता दिलाएका थिए । तर ३५औं मिनेटमा आरोन वान बिसाकाले रातो कार्ड पाएपछि युनाइटेड १० खेलाडीमा समेटियो ।

त्यसको फाइदामा योङ ब्वाइजले दोस्रो हाफमा दुई गोल गर्‍यो । ६६औं मिनेटमा निकोलस एनगामालेगले योङ ब्वाइजको लागि बराबरी गोल फर्काए । त्यसपछि जोर्डन सिबात्सेउले इन्

जुरी टाइममा गोल गर्दै योङ ब्वाइजलाई जित दिलाए ।

समूह एफकै अर्को खेलमा इटालियन क्लब एटलान्टा र स्पानिस क्लब भियारियलले २-२ को बराबरी खेल्दै अंक बाँडेका छन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?