च्याम्पियन्स लिग : सिटीको शानदार जित

३१ भदौ, काठमाडौं । इंग्लिस क्लब म्यानचेष्टर सिटीले यूईएफए च्याम्पियन्स लिगमा शानदार जित हासिल गरेको छ । समूह ए अन्तर्गत बुधबार राति भएको खेलमा सिटीले जर्मन क्लब आरबी लाइपजिगलाई ६-३ ले पराजित गरेको हो ।

घरेलु मैदानमा भएको खेलमा सिटीका लागि नाथन एके, रियाद महारेज, ज्याक ग्रिलिस, जाओ कान्सेलो र गाब्रीएल जेससले उक एक गोल गरे । लाइपजिगका नोर्दी मुकिएलेलेल आत्मघाती गोल उपहार दिएका थिए ।

लाइपिजगका लागि क्रिस्टोफर एनकुन्कुले ह्याट्रिक गरेपनि हार टार्न पर्याप्त बने ।

लाइपिजगका एन्जेलिनो ७९औं मिनेटमा रातो कार्ड पाउदै मैदान बाहिरिएका थिए ।