सप्तरीमा थप एक कोरोना संक्रमितको मृत्यु

३१ भदौ, सप्तरी । सप्तरीमा थप एक जना कोरोना संक्रमितको मृत्यु भएको छ । कञ्चनरुप नगरपालिका–११ का ४८ वर्षीय पुरुषको कोरोना संक्रमणबाट मृत्यु भएको प्रदेश स्वास्थ्य निर्देशनालय, जनकपुरधामले जनाएको छ ।

बिरामी भएर २७ भदौमा उपचारका लागि कोशी अस्पताल विराटनगर गएका उनको सोही दिन स्वाब परीक्षण गर्दा रिपोर्ट पोजेटिभ आएको थियो । उनको उपचारका क्रममा बुधबार साँझ मृत्यु भएको हो ।

योसँगै सप्तरीमा कोरोना संक्रमणबाट मृत्यु हुनेको संख्या १५४ पुगेको छ ।