२०७८ असोज ९ गते १९:४८ 
९ असोज, काठमाडौं । प्रिमियर लिगमा शनिबार भएको खेलमा म्यानचेष्टर सिटीले चेल्सीलाई १-० ले पराजित गरेको छ । चेल्सीको मैदान स्टानफोर्ड ब्रिजमा भएको खेलमा सिटीलाई जित दिलाउन गाब्रिएल जेससले निर्णायक गोल गरे ।
जेससले खेलको ५३ औं मिनेटमा जाओ क्यान्सेलोको पासमा गोल गरेका थिए । त्यही गोल सिटीलाई ३ अंक दिलाउन निर्णायक बन्यो । यस सिजन चेल्सीको यो पहिलो हार हो ।
चेल्सीलाई हराएपछि सिटी ६ खेलबाट १३ अंक जोड्दै दोस्रो स्थानमा उक्लेको छ । शीर्ष स्थानको लिभरपुलको ५ खेलबाट समान १३ अंक रहेपनि गोल अन्तर सिटी पछि छ ।
चेल्सीको पनि ६ खेलबाट १३ अंक नै छ र तेस्रो स्थानमा छ ।
प्रतिक्रिया 4