खाद्यका महानिर्देशक उपेन्द्र राय मन्त्रालय तानिए

११ असोज, काठमाडौं । दूग्ध विकास संस्थान डीडीसीको अखाद्य घिउ बिक्री प्रकरणमा मुछिएका खाद्य प्रविधि तथा गुण नियन्त्रण विभागका महानिर्देशक उपेन्द्र राय मन्त्रालय तानिएका छन् ।

सोमबारबाट लागू हुने गरी उनलाई विभागको जिम्मेवारीबाट हटाइएको कृषि तथा पशुपन्छी विकास मन्त्रालयले जनाएको छ ।

डीडीसीको घिउ बिक्री प्रकरणमा फितलो छानबिन गरेर मुद्धा कमजोर बनाएर बुझाएको आरोप रायमाथि थियो ।

मन्त्रालयले विभागको महानिर्देशकमा सोमबारबाट हाजिर हुनेगरी डा.मतिना जोशी वैद्यलाई नियुक्त गरेको छ । उनले यस अघि पनि विभागमा महानिर्देश्कको जिम्मेवारी निभाइसकेकी छिन् ।