+
+

भक्तपुरमा कमलपोखरीमा डुबेर ६ वर्षीय बालकको मृत्यु

अनलाइनखबर अनलाइनखबर
२०७८ असोज १३ गते १७:२६
प्रतीकात्मक तस्वीर

१३ असोज, काठमाडौं । भक्तपुरको मध्यपुर थिमि नगरपालिका-८ बोडेस्थित कमलपोखरीमा डुबेर बुधबार दिउँसो एकजना बालकको मृत्यु भएको छ ।

महानगरीय प्रहरी परिसर भक्तपुरका प्रहरी नायव उपरीक्षक दिपक गिरीका अनुसार खोटाङको जन्तेढुंगा गाउँपालिका घरभई हाल बोडे बस्दै आएका रमेश खड्काका ६ वर्षीय छोरा रोशनको पोखरीमा डुबेर मृत्यु भएको हो ।

स्थानीयले पोखरीमा डुबेको देखेपछि बालकको उद्धार गरेका थिए । घटनाबारे जानकारी पाउने वित्तिकै खटेको प्रहरीको टोलीले बालकलाई उपचारका लागि नागरीक अस्पताल गठ्ठाघर पुर्‍याइएको थियो । उपचारको क्रममा उनको मृत्यु भएको गिरीले बताए ।

घटनाबारे थप अनुसन्धान भइरहेको प्रहरीले जनाएको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?