१८ असोज, काठमाडौं । काठमाडौंको चन्द्रागिरि नगरपालिकाको कांग्रेस सभापतिमा घनश्याम गिरी निर्वाचित भएका छन् । गिरी चन्द्रागिरि नगरपालिकाका मेयरसमेत हुन् ।
आइतबार राति अबेर सर्वसम्मत रुपमा गिरीको नेतृत्वमा प्रकाशमान सिंह पक्षको प्यानल नै चुनिएको हो ।
उपसभापतिमा इन्द्रावती श्रेष्ठ र राजेन्द्र विक्रम वानियाँ चुनिएका छन् । सचिवमा राजेन्द्र महर्जन र नविन महर्जन तथा सहसचिवमा जीवन गिरी र भुवन श्रेष्ठ चुनिएका छन् ।
कोषाध्यक्ष मञ्जय प्रकाश श्रेष्ठ बनेका छन् ।
अब कीर्तिपुर नगरपालिका र दक्षिणकाली नगरपालिकामा नेतृत्व चयन हुन बाँकी छ । कीर्तिपुरमा पनि सर्वसम्मत नेतृत्व चयनको प्रयास भइरहेको छ ।
दक्षिणकालीमा एउटा वडामा क्रियाशील सदस्यताको विवादका कारण नेतृत्व चयनको प्रक्रियामा ढिलाइ भएको छ ।
काठमाडौं महानगरपालिकामा नीलकाजी शाक्यको प्यानल विजयी भएको छ । काठमाडौं महानगरपालिकामा प्रकाशमान सिंह र गगन थापाले तालमेल गरेका थिए ।
शंखरापुर, गोकर्णेश्वर र नागार्जुन नगरपालिकामा सिंहनिकट प्यानल विजयी भएको छ । देउवाको गृहनगर बुढानीलकण्ठमा गगन थापानिकट प्यानल विजयी भएको छ । त्यस्तै, तारकेश्वर र टोखा नगरपालिकामा कृष्णप्रसाद सिटौलानिकट प्यानल विजयी भएको छ । कागेश्वरी मनोहरा नगरपालिकामा देउवा समूहले जितेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4