सुनको मूल्य ताेलामा ४ सय रुपैयाँले बढ्यो

११ कात्तिक, काठमाडौं । बिहीबार सुनको मूल्य तोलामा ४ सय रुपैयाँले वृद्धि भएको छ । नेपाल सुन चाँदी व्यवसायी महासंघका अनुसार सुनको मूल्य तोलामा ४ सय रुपैयाँले बढ्दा चाँदीको मूल्य भने स्थिर रहेको छ । बिहीबार छापावल सुनको मूल्य तोलामा ४ सय रुपैयाँले महँगिएर ९२ हजार ४ सय रुपैयाँ पुगेको छ ।

बिहीबारका लागि तेजावी सुनको मूल्य ९१ हजार ९ सय रुपैयाँ तोकिएको छ । चाँदीको मूल्य भने बिहीबार स्थिर छ । बिहीबार १ हजार २५० रुपैयाँ तोलामा चाँदीको कारोबार भइरहेको महासंघले जनाएको छ ।