१४ कात्तिक, काठमाडौं । झापा भेट्रान्स क्लब र एफई खुमलटार भेट्रान्स क्लब मेयर कप भेट्रान्स फुटबलको उपाधिका लागि भिड्ने भएका छन् । आइतबार भएको सेमिफाइनलमा जित हात पार्दै झापा र खुमलटारले फाइनल भिडन्त पक्का गरेका हुन् ।
त्रिपुरेश्वरस्थित दशरथ रंगशालमा भएको पहिलो सेमिफाइनलमा झापाले नेपाल आर्मी भेट्रान्सलाई २–० ले हरायो । झापाका लागि भेषराज लिम्बुले ४७औं र श्याम गोलेले ६०औं मिनेटमा गोल गरे ।
यस्तै दोस्रो सेमिफाइनलमा खुमलटारले एसएनकेसीलाई २–० ले नै हरायो । खुमलटारका लागि खेलको पाँचौं मिनेटमा रितेश खड्का र सातौं मिनेटमा जुमानु राईले गोल गरे ।
फुटबलर्स मिसन टुगेटरले पहिलो पटक आयोजना गरेको भेट्रान्स कपको फाइनल खेल मंगलबार हुनेछ । प्रतियोगिताको विजेताले ५ लाख र उपविजेताले २ लाख ५० हजार रुपैयाँ नगद पुरस्कार पाउनेछन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4