हाइड्रोपावरको लाभांश : कुन कम्पनीले कति दिँदैछन् ?

२९ कात्तिक, काठमाडौं । गत आर्थिक वर्षको सञ्चित मुनाफाबाट बैंक तथा वित्तीय संस्थाहरुले जस्तै जलविद्यतु् कम्पनीहरुले समेत धमाधम लाभांश घोषणा गरिरहेका छन् । केही कम्पनीहरुले साधारणसभा बोलाएर लाभांश पारित नै गरिसकेका छन् भने केही कम्पनीहरु साधारण सभा बोलाउने तरखरमा छन् । लाभांश घोषणा गर्न बाँकी रहेका कम्पनीहरु भने शेयरधनीहरुलाई कति लाभांश दिने भनेर छलफलमै छन् । केही कम्पनीहरु लाभांश घोषणा गर्ने तयारीमा छन् ।

हालसम्म लाभांश घोषणा गरेका जलविद्युत् कम्पनीहरु मध्ये सबैभन्दा धेरै ङादी ग्रुप पावर कम्पनी लिमिटेडले लाभांश घोषणा गरेको छ । २० प्रतिशत बोनस शेयर र १.०५ प्रतिशत नगद लाभांश गरी कुल २१.०५ प्रतिशत शेयर लाभांश दिने घोषणा ङादीले गरेको छ ।

ङादीपछि धेरै लाभांश घोषणा गर्नेमा अरुण काबेली पावर कम्पनी लिमिटेड रहेको छ । अरुण काबेलीले १७ प्रतिशत बोनस शेयर र ०.८९ प्रतिशत नगद लाभांश गरी कुल १७.८९ प्रतिशत शेयर लाभांश दिने घोषणा गरेको छ ।

हालसम्म सार्वजनिक गरेका सबै कम्पनीहरुले १० प्रतिशत भन्दा धेरै नै लाभांश घोषणा गरेका छन् । धेरैले पुँजी वृद्धिका लागि शेयरधनीहरुलाई हकप्रद समेत दिँदैछन् ।

हेर्नुस् कुनले कति दिँदैछन् लाभांश :

सिनं.	कम्पनीको नाम	नगद लाभांश	शेयर लाभांश	कुल
१	ङादी ग्रुप पावर कम्पनी लिमिटेड	१.०५ प्रतिशत	२० प्रतिशत	२१.०५ प्रतिशत
२	अरुण काबेली पावर कम्पनी लिमिटेड	०. ८९ प्रतिशत	१७ प्रतिशत	१७.८९ प्रतिशत
३	रिडी हाइड्रोपावर डेभलपमेन्ट कम्पनी	१२.६ प्रतिशत	००	१२.६ प्रतिशत
४	अपि पावर कम्पनी लिमिटेड	०.५५ प्रतिशत	१०.५० प्रतिशत	११.०५ प्रतिशत
५	रुरु जलविद्युत परियोजना लिमिटेड	०.५२६३ प्रतिशत	१० प्रतिशत	१०.५२ प्रतिशत
६	अरुण भ्याली हाइड्रोपावर	०.५२ प्रतिशत	१० प्रतिशत	१०.५३ प्रतिशत
७	सिनर्जी पावर डेभलपमेन्ट कम्पनी	०.५२ प्रतिशत	१० प्रतिशत	१०.५३ प्रतिशत
८	सानिमा माई हाइड्रोपावर कम्पनी	०.५२ प्रतिशत	१० प्रतिशत	१०.५३ प्रतिशत
९	रैराङ हाइड्रोपावर डेभलपमेण्ट कम्पनी	१२.६ प्रतिशत	००	१२.६ प्रतिशत