+
+

रामचन्द्र पौडेलको चियापानमा देउवाविरुद्ध नाराबाजी भएपछि …!

अनलाइनखबर अनलाइनखबर
२०७८ मंसिर २८ गते ११:२२

२८ मंसिर, काठमाडौं । नेपाली कांग्रेसका वरिष्ठ नेता रामचन्द्र पौडेलले आयोजना गरेको चियापन कार्यक्रममा पुगेका प्रधानमन्त्री शेरबहादुर देउवाविरुद्ध नाराबाजी भएको छ ।

मंगलबार बिहान लौनचौरस्थित एक पार्टी प्यालेसमा आयोजित चियापान समारोहस्थलमा देउवा पुग्नासाथ महाधिवेशन प्रतिनिधिहरूले उनीविरूद्ध नाराबाजी सुरु गरेका थिए । कार्यक्रममा होहल्ला भएपछि नेता पौडेलले भिडलाई हल्ला नगर्न बारम्बार अनुरोध गरे ।

‘तपाईंहरूको यो हल्लाले आफ्नै उद्देश्य र आफैंलाई क्षति पुर्‍याउने काम नगर्नुस्,’ नेता पौडेलले नेता कार्यकर्तालाई सम्बोधन गर्दै भने ।

आफ्नो आग्रहलाई भिडले नटेरेपछि पौडेलले देउवालाई हात समातेर मञ्चसम्म ल्याएका थिए । कार्यक्रममा महामन्त्रीका प्रत्यासी डा. मिनेन्द्र रिजालले पटकपटक ‘हात जोडेर’ हल्ला नगर्न बिन्ती गरेका थिए । चियापान समारोहमा सभापतिका प्रत्यासीद्वय देउवा र शेखर कोइरालासँग वरिष्ठ नेता पौडेलले सम्बोधन गरेका थिए ।

सम्बोधनको क्रममा पौडेलले भने, ‘यो चियापान कार्यक्रम सम्मानको लागि हो । अपमान हुने काम नगर्नुहोस् ।’

सोही कार्यक्रममा केही प्रतिनिधि तथा कार्यकर्ताहरूले रामचन्द्र पौडेललाई पनि मौन नबस्न भन्दै नाराबाजी गरेका थिए ।

 

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment