कटुवा पेस्तोलसहित बाराबाट एक जना पक्राउ

११ पुस, बारा। प्रहरीले एक थान कटुवा पेस्तोलसहित एकजनालाई पक्राउ गरेको छ ।

पक्राउ पर्नेमा परवानीपुर गाउँपालिका-४ चैनपुर बस्ने २४ वर्षीय सनोर देवान रहेका छन् ।

उनलाई लक्ष्मी नारायण दुर्गा मन्दिर परिसरबाट १ थान कटुवा पेस्तोलसहित आइतबार बिहान प्रहरीले पक्राउ गरेको हो ।

पक्राउ परेका उनीमाथि थप अनुसन्धान भइरहेको जिल्ला प्रहरी कार्यालय बाराले जनाएको छ ।