+
+

संसदीय समितिले दिएको निर्देशन हुबहु पालना गर्छु : पर्यटनमन्त्री आले

अनलाइनखबर अनलाइनखबर
२०७८ पुष १३ गते १९:०३

१३ पुस, काठमाडौं। संस्कृति, पर्यटन तथा नागरिक उड्डयन मन्त्री प्रेमबहादुर आलेले संसदीय समितिहरुले दिएको निर्देशन आफूले हुबहु पालना गर्ने प्रतिवद्धता व्‍यक्त गरेका छन्।

मंगलवार प्रतिनिधि सभा अन्र्तगतको अन्तर्राष्ट्रिय सम्बन्ध समितिको बैठकमा बोल्दै मन्त्री आलेले समितिले दिएको निर्देशन पालना गर्ने प्रतिवद्धता व्यक्त गरेका हुन् ।

उनले सरकारी स्वामित्वमा रहेको १४८ रोपनी जग्गा तारागाउँ विकास समितिले आफ्नो नाममा पारेको र यसलाई फिर्ता गराउने सम्बन्धमा समितिले पनि निर्देशन दिएको उल्लेख गर्दै सो जग्गा फिर्ता ल्याउने प्रतिवद्धता पनि गरे ।

‘तपाईहरुले दिएका निर्देशन विगतमा के हो मलाई थाहा छैन, म हुबहु लागू हुनेगरी काम गर्नेछु । तपाईहरुको निर्देशन पालना गर्नेछु भन्ने म प्रतिवद्धता जायर गर्न चाहन्छु । तारागाउँ विकास समितिको कुरा एकदमै गम्भीर छ । १४८ रोपनी जग्गा आफ्नो नाममा राखिएको छ । जबकी त्यो राख्नै पाइदैनँ ।’ उनले भने, ‘तपाईहरुले दिएको निर्देशन कार्यान्वयन गर्नेतिर म जानेछु भन्ने प्रतिवद्धता जनाउन चाहन्छु।’

मन्त्री आलेले निजगढ अन्तर्राष्ट्रिय विमानस्थल निर्माणका लागि बजेट अभाव भएको बताए । विमानस्थल निर्माणका लागि ८ हजार ५० हेक्टर जमिन विमानस्थलको नाममा आइसकेको भएपनि बजेट अभावका कारण काम सम्पन्न हुने नसकेको उनले जानकारी दिए ।

त्यस्तै पोखरा अन्तर्राष्ट्रिय विमानस्थल निर्माणको सम्बन्धमा रिठ्ठे डाँडाँको कटान प्रक्रिया पनि छिट्टै अगाडि बढाइने उनले बताए ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?