२०७८ पुष २९ गते १५:०७ 
२९ पुस, काठमाडौं । प्रधानमन्त्री कप टी-२० पुरुष राष्ट्रिय क्रिकेट प्रतियोगितामा सुदूरपश्चिम प्रदेशले पहिलो हात पारेको छ ।
बिहीबार टीयू अन्तर्राष्ट्रिय क्रिकेट मैदानमा भएको खेलमा सुदूरपश्चिमले कर्णाली प्रदेशलाई ४७ रनले पराजित गरेको हो । जितपछि २ खेलबाट समूह ए मा सुदूरपश्चिमले २ अंक जोडेको छ । तीन खेल खेल्दा दोस्रो हाल व्याहोरेको कर्णालीको पनि २ अंक छ ।
सुदूरपश्चिमले दिएको १५४ रनको लक्ष्य पछ्याएकाे कर्णाली १९.१ ओभरमा १०६ रनमा अलआउट भयाे । कर्णालीका कप्तान रविन्द्र शाहीले सर्वाधिक ३५ र अर्जुन घर्तीले ३० रन जोडे ।
कर्णालीलाई अलआउट गर्न सुदुरपश्चिमका शेर मल्लले सर्वाधिक ४ विकेट लिए भने हेमन्त धामीले २ विकेट लिए । आदित्य महता, गजेन्द्र बोहरा र विकास अग्रीले समान १ विकेट लिए ।
यस अघि टस हारेर पहिले ब्याटिङ गरेको सुदूरपश्चिमले निर्धारित २० ओभरमा ८ विकेट गुमाएर १५३ रन बनाएकाे थियाे । सुदूरपश्चिमका लागि अर्जुन साउदले सर्वाधिक ३२ रन बनाए ।
बसन्त कार्कीले १७ बलमा २८, दिपक बोहराले २५ तथा खडक बोहराले २२ रन जाेडे । कर्णालीका प्रकाश जैसीले सर्वाधिक ३ विकेट लिए भने रविन्द्र शाही र दिवान पुनले समान २ विकेट लिए ।
समूह ए अन्तर्गत नै मुलपानी क्रिकेट मैदानमा हुने भनिएको त्रिभुवन आर्मी क्लब र प्रदेश १ बीचको खेल मैदान भिजेका कारण रद्द भएकाे छ । खेल हुन नसकेपछि दुवै टाेलीमा १-१ अंक बाँडेका छन् ।
प्रतिक्रिया 4