+
+

विश्व नम्बर एक प्रिन्स दाहाललाई प्रधानमन्त्री देउबाको बधाई

अनलाइनखबर अनलाइनखबर
२०७८ पुष २९ गते १७:००

२९ पुस, काठमाडौं । प्रधानमन्त्री शेरबहादुर देउबाले विश्व ब्याडमिन्टनको जुनियर वरीयतामा शीर्षस्थानमा पुगेका प्रिन्स दाहाललाई बधाई दिएका छन् । देउबाले बिहीबार ट्वीटरमार्फत बधाई दिएका हुन् ।

विश्व ब्याडमिन्टन महासंघले बुधबार जारी गरेको वरियतामा प्रिन्स दुई स्थान सुधार गर्दै पहिलो पटक शीर्षस्थानमा पुगेका हुन् ।

यस्तै, नेपाल ब्याडमिन्टन संघले पनि बिहीबारै विज्ञप्ति जारी गर्दै प्रिन्सलाई बधाई दिएका छन् । अब नेपाल व्याडमिन्टन संघ उनलाई बढीभन्दा बढी अन्तर्राष्ट्रिय प्रतियोगितामा सहभागिताका लागि पहल गर्ने र ओलम्पिक छात्रवृत्ति हासिल गराउन प्रयास गर्ने जनाएको छ । अहिले तत्काल व्याडमिन्टन एसियाअन्तर्गत एसिया ओलम्पिक प्रोजेक्टको छात्रवृत्तिमा उनले वार्षिक तीन हजार अमेरिकी डलर प्राप्त गर्ने नेपाल ब्याडमिन्टन संघले जनाएको छ ।

साथै प्रिन्सलाई बढीभन्दा बढी प्रतियोगितामा सहभागिता जनाउन र थप प्रशिक्षणका लागि संघले राष्ट्रिय खेलकुद परिषद, नेपाल ओलम्पिक कमिटी, ब्याडमिन्टन एसिया र विश्व व्याडमिन्टन महासंघसँग संघले छलफल गर्ने जनाएको छ ऽ

यस्तै संघले महिलातर्फ जुनियर वरियतामा समावेश रशिला महर्जनलाई पनि बधाई दिएको छ । ‘ अर्का खेलाडी रसिला महर्जन पनि विश्व यू-१९ वुमेन्स वरीयताको १९औं वरीयतामा पर्नु भएकोले उहाँलाई पनि बधाई ज्ञापन गर्दै भविष्यमा सफलताको लागि कामना गछौँ ।’

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Hot Properties
Advertisment

धेरै कमेन्ट गरिएका

छुटाउनुभयो कि ?