प्रियानासँग प्रतापको ‘कफी क्रस’

गायक तथा संगीतकार अंकितबाबु अधिकारीले ‘कफी क्रस’ बोलको गीत सार्वजनिक गरेका छन् । कुनै रेष्टुरेन्टमा एउटा टेबलमा बसेर कफी पिउँदै गरेको केटा र अर्को टेबलमा बसेर कफी पिउँदै गरेकी यूवतीविचकोे प्रेमलाई गीतले व्यक्त गरेकोे छ । योे गीतको भिडियोमा गायक प्रताप दास र मोडल प्रियाना आचार्यले अभिनय गरेका छन् ।

भिडियोेमा वेटरकोे भूमिकामा अंकित आफै देखिएका छन् । नविन भट्टले निर्देशन गरेकोे भिडियोेमा अनिश स्याङ्देनकोे छायांकन छ ।

अंकितले यस अगाडि ‘के माया लाग्छ र, राम नाम, संझनालाई, विनायोे भाकैले’ लगायतका गीत सार्वजनिक गरिसकेका छन् ।