+
+

गीतकार डा. कृष्णहरि बराललाई ५० हजार नगदसहित ‘प्रतिभा सम्मान’

अनलाइनखबर अनलाइनखबर
२०७८ माघ २ गते १३:१८
गीतकार डा. कृष्णहरि बराल

२ माघ, काठमाडौं । वरिष्ठ गीतकार तथा समालोचक प्रा. डा. कृष्णहरि बराललाई सन् २०२१ को ‘प्रतिभा सम्मान’ प्रदान गरिने भएको छ । बेलायतस्थित नेपाली प्रतिभा प्रतिष्ठानले उक्त पुरस्कारबाट आफूलाई सम्मानित गर्ने निर्णय गरेको बरालले जानकारी दिए ।

यसैगरी प्रतिष्ठानले संगीतकार गणेश गुरुङलाई ‘प्रतिभा पुरस्कार’ प्रदान गर्ने भएको छ । बराललाई ५० हजार रुपैयाँ नगद र ताम्रपत्रसहित दोसल्ला ओढाएर ‘प्रतिभा सम्मान’ प्रदान गरिनेछ । यस्तै गुरुङलाई एक लाख रुपैयाँ नगद प्रदान गरिनेछ ।

लामो समयदेखि गीत लेखनमा सक्रिय प्रा. डा. बरालका थुप्रै गीत लोकप्रिय छन् । उनी समालोचनामा पनि उत्तिकै सक्रिय छन् ।

यसैगरी सयभन्दा बढी गीतमा संगीत सिर्जना र संयोजन गरेका गुरुङ संगीत प्रशिक्षक पनि हुन् ।

पुरस्कार आगामी चैतमा विशेष समारोहको आयोजना गरी हस्तान्तरण गरिने जनाइएको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?