Expand
+
+

नारायण नेपालको ‘शिवगढीदेखि प्रतिबन्धसम्म’ पुस्तक सार्वजनिक

अनलाइनखबर अनलाइनखबर
२०७८ माघ ६ गते १४:५६

६ माघ, काठमाडौं । लेखक नारायण नेपालको पुस्तक ‘शिवगढी प्रतिबन्धसम्म’ सार्वजनिक भएको छ । पुस्तकमा तत्कालीन नेकपा-माओवादीबाट अलग भई नेत्रविक्रम चन्द ‘विप्लव’ले नेपाल कम्युनिस्ट पार्टी गठन गरेपछिको राजनीतिक घटनाक्रमलाई आलोचनात्मक विश्लेषण समेटिएको छ ।

विप्लव नेतृत्वको नेकपाभित्रको राजनीतिक घटनाक्रम, राष्ट्रिय राजनीतिमा भूमिका र प्रभाव तथा पछिल्लो समय नेकपाका गतिविधिमाथि लागेको प्रतिबन्धसम्मका घटनाक्रमलाई लेखक नेपालले पुस्तकमा उल्लेख गरेका छन् ।

२०७१ सालमा कपिलवस्तुको शिवगढीमा भएको भेलादेखिको नेकपाभित्रको राजनीतिक उथलपुथल र नेपाली राजनीतिमा देखा परेका राष्ट्रिय अन्तर्राष्ट्रिय घटनाक्रमहरुको विश्लेषण पनि पुस्तकमा पाइन्छ ।

कम्पन मिडिया प्रालिले बजारमा ल्याएको पुस्तकको बजार व्यवस्थापन बागबजारस्थित भुँडीपुराण प्रकाशनले गरेको छ ।

लेखक नेपालका यसअघि कञ्चना (गीतिकविता संग्रह), कुन्मिङ यात्रा (यात्रा संस्मरण), विद्रोही मनहरु (गजलसंग्रह), विद्यार्थी आन्दोलन र नुवाकोट (इतिहास विविध) र क्रान्तियात्राका भरियाहरु (कवितासंग्रह) प्रकाशित छन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?