कृषिमन्त्री यादवका सय दिन : यस्ता छन् उपलब्धि

९ फागुन, काठमाडौं । कृषि तथा पशुपन्छी विकासमन्त्री महेन्द्र राय यादवले एक सय दिनमा आफूले ५१ वटा कृषि सुधारको काम गरेको दाबी गरेका छन् । सोमबार मन्त्रालयमा पत्रकार सम्मेलन गरेर मन्त्री यादवले यस्तो दाबी गरेका हुन् ।

कर्मचारी प्रशासनको नियमित कार्य सम्पादनबाट हुने सामान्य कार्यलाई समेत उनले आफ्नो प्रगति वितरणमा उल्लेख गरेका छन् । नेपालबाट नियमित रुपमा हुने छुर्पी निर्यातदेखि उखु, धान, गहुँ लगायतका कृषि उपजको सर्मथन मूल्य तोक्ने कामलाई समेत मन्त्री यादवले आफ्नो प्रगति विवरण मानेका छन् ।

यो पनि पढ्नुहोस

‘टेन्डर प्रक्रिया फेल भइसक्यो, जीटूजीबाट मल नआए अभाव हट्दैन’

‘नीतिगत तथा कानुनी सुधारसहित कृषि उपजको समर्थन मूल्य निर्धारण, किसानलाई राहत उपलब्ध गराउन सहजीकरणदेखि रासायनिक मल आयातका लागि आफूले पहल गरेको दाबी मन्त्री यादवले गरेका छन् ।

नीतिगततर्फ १०, बालीको मूल्य निर्धारणतर्फ ८, कृषकलाई राहत दिन ४, रासायनिक मल उपलब्धतातर्फ ६ वटा काम गरेको मन्त्री यादवको दाबी छ । यस्तै गुणस्तर नियमनतर्फ ६, नयाँ जोन र पकेट स्थापनामा २, प्रविधितर्फ ७, नश्ल सुधारमा ३, खोप उत्पादन र बीमातर्फ एक/एक र कृषि बाली निर्याततर्फ २ वटा काम गरेको मन्त्री यादवको दाबी छ ।

हेर्नुहोस् प्रगति विवरण :