३ चैत, काठमाडौं । अखिल नेपाल फुटबल संघ (एन्फा) को विशेष साधारण सभा यही चैत १५ गते हुने भएको छ ।
दुई दिनसम्म चलेर बिहीबार सम्पन्न एन्फाको १८औं कार्यसमिति बैठकले निर्वाचन निर्देशिका परिमार्जन गरी चैत १५ गते विशेष साधारण सभा गर्ने निर्णय गरेको हो ।
यसअघि फागुन ८ गते तय गरिएको विशेष साधारण सभा प्राविधिक कारण देखाएर दुई पटक स्थगित भएको थियो ।
एन्फाको बैठकले संघको निर्वाचन कार्यतालिका अनुमोदन पनि गरेको छ । एन्फाको निर्वाचन यसअघि नै २०७९ जेठ १५ गतेलाई तोकिएको छ ।
त्यसैगरी जिल्ला फुटबल संघको निर्वाचन २०७९ वैशाख १ देखि १० गतेसम्म गर्ने निर्णय गरेको छ ।
यसअघि फागुन १५ देखि ३० गतेसम्मका लागि जिल्ला फुटबल संघको निर्वाचन तय गरिएको थियो । तर एन्फाको १७औं कार्यसमिति बैठकले निर्वाचन नियमावली तयार नभएको भन्दै अनिश्चितकालका लागि जिल्ला निर्वाचन स्थगित गरेको थियो ।
प्रतिक्रिया 4