+
+

वान सिनेमाजले भोलिदेखि कालिमाटीमा नयाँ हल सञ्चालनमा ल्याउँदै

अनलाइनखबर अनलाइनखबर
२०७८ चैत ३० गते १२:५५

काठमाडौं । नयाँ वर्षको अवसर पारेर वान सिनेमाज्ले काठमाडौंको कालिमाटीमा नयाँ हल सञ्चालनमा ल्याउने भएको छ ।

३०० सिट क्षमताका दुई अडिटोरियमलाई सञ्चालनमा ल्याउन लागिएको वान सिनेमाजका प्रमुख प्रज्ज्वल राणाले दिए । कालिमाटी ट्रेड सेन्टरको चौथो तल्लामा रहेको हल ‘ए मेरो हजुर ४’ र ‘केजीएफ च्याप्टर २’ सँगै हुनेछ ।

हलमा थ्रीडी र डल्बी अटमस ध्वनि प्रविधि जडान गरिएको छ । वान सिनेमाज्को यो दोस्रो फ्रेन्चाइज हो । यसअघि नयाँ बानेश्वरमा दुई अडिटोरियमसहितको हल सञ्चालनमा छ । बानेश्वरको हलमा वैशाख १ गतेदेखि ७० सिट क्षमताको प्रिमियम अडिटोरियम पनि सुरु हुँदैछ ।

प्राइभेट स्क्रिनिङ गर्न मिल्ने सुविधासहित प्रिमियम अडिटोरियम सञ्चालनमा ल्याउन लागिएको जनाइएको छ । चाँडै वान सिनेमाजका थप आउटलेटहरु नेपालगञ्ज, इटहरी र भैरहवामा खोल्ने तयारी छ ।

 

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?