११ वैशाख,काठमाडौं । पूर्व टेबल टेनिस खेलाडी मिलन श्रेष्ठको सम्झनामा मिलन स्मृति जुनियर टेबल टेनिस प्रतियोगिता आयोजना हुने भएको छ ।
स्पिन इभेन्ट्स प्रालीले आयोजना गर्ने प्रतियोगिता जेठ ७ देखि ९ गतेसम्म लौनचौरस्थित राष्ट्रिय टेबल टेनिस प्रशिक्षण केन्द्रमा हुनेछ । यो प्रतियोगिता नेपाल टेवल टेनिस संघको वार्षिक कार्यक्रमअन्तर्गत हो ।
प्रतियोगितामा जुनियर ब्वाइज सिंगल्स, जुनियर गर्ल्स सिंगल, क्याडेट ब्वाइज सिंगल, क्याडेट गर्ल्स सिंगल, ब्वाइज सिंगल (१२ बर्षमूनि), गर्ल्स सिंगल (१२ बर्षमूनि), मेन्स भेट्रान सिंगल ४० बर्षमाथि, ५० बर्षमाथि र ६० बर्ष माथि गरेर ९ विधामा प्रतिस्पर्धा हुनेछ ।
प्रतियोगितामा ३ विभागीय टोली सहित देशभरका विभिन्न जिल्ला र क्लबका खेलाडीले सहभागिता जनाउने आइतबार पत्रकार सम्मेलनमा जानकारी गराइएको हो । कार्यक्रमको अनुमानित बजेट ९ लाख रुपैंया छ ।
जुनियर ब्वाइज/गर्ल्स तथा क्याडेट ब्वाइज/गर्ल्सतर्फका प्रथम, द्वितीय र तृतीय हुने खेलाडीले क्रमशः २० हजार, १० हजार र ५ हजार पुरस्कार प्राप्त गर्नेछन् ।
त्यस्तै ब्वाइज/गर्ल्स सिंगल्स तथा भेट्रान विधामा भने प्रथम द्वितीय र तृतीयले क्रमशः १० हजार, ५ हजार र २५ सय रुपैयाँ पुरस्कार पाउनेछन् ।
प्रतिक्रिया 4