११ वैशाख, जनकपुरधाम । मधेश प्रदेशका थप एक जना सांसदले राजीनामा दिएका छन् ।
नेपाली कांग्रेसबाट सर्लाहीको क्षेत्र नम्बर ४को (ख)बाट निर्वाचित सांसद उपेन्द्रप्रसाद कुशवाहाले राजीनामा दिएका हुन् ।
‘यहाँका जनताको प्रेसर थाम्न सकिनँ’, उनले भने, ‘जुन जनताले मलाई जिताएका हुन् उनैको कुरा मानेर राजीनामा दिएँ ।’
कुशवाहाले सर्लाहीको गोडैटा नगरपालिकाको मेयर पदमा उम्मेदबारी दिन सांसद पदबाट राजीनामा दिएको बताए ।
यसअघि शुक्रबार रौतहटको क्षेत्र नम्बर ४ को ख बाट प्रत्यक्ष निर्वाचित सांसद शेख अबुल कलाम आजादले राजीनामा दिएका थिए । स्वतन्त्र उम्मेदवार भई प्रदेश सांसदमा निर्वाचित उनी पछिल्लो समय जनता समाजवादी पार्टी जसपामा प्रवेश गरेका थिए ।
उनले गढीमाई नगरपालिकाको मेयर पदमा उम्मेदवार बन्न सांसद पदबाट राजीनामा दिएको बताएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
भर्खरै
पुराना
लोकप्रिय
Hot Properties
सम्बन्धित खबर
ट्रेन्डिङ
Advertisment
प्रतिक्रिया 4